कपिलवस्तुको फुलिकामा दुई मोटरसाइकल एकापसमा ठोक्किए, बाणगंगाका एक जनाको मृत्यु

मायादेवी अनलाइन, बाणगंगा ।
कपिलवस्तुमा सवारी दुर्घटनामा एक जनाको मृत्यु भएको छ । जिल्लाको मायादेवी गाउँपालिका ३ फुलिकास्थित बर्रोहिया पचेहरा भित्री सडकखण्डमा मोटरसाईकल एक आपसमा ठक्कर खादा एक जनाको मृत्यु भएको हो ।

पकडीबाट पचेहरा तर्फ जादै गरेको लु ७७ प ३०४६ नं. को स्कुटी र बिपरीत दिशाबाट आउँदै गरेको लु २६ प ७७४५ नं. को
मोटरसाईकल सोमबार एक आपसमा ठक्कर खाएका थिए ।

उक्त दुर्घटनामा मोटरसाइकल चालक वाणगंगा ४ हरिहरपुर बस्ने वर्ष ५१ को हरी बिक्रम शाहीको मृत्यु भएको हो ।

टाउकोमा गम्भिर चोट लागेका शाहीको मेडिकल कलेज भैरहवा उपचारको क्रममा मृत्यु भएको जनाईएको छ । स्कुटी चालक रुपन्देही सिदार्थ नगरपालिका ६ बैंक कलौनी बस्ने वर्ष ५९ को पल्टन चौहान भने घाईते भएका छन । उनको दुबै हात, दुवै खुट्टा, टाउकोमा चोट लागेको उनकी सोही स्कुटीमा पछाडी सवार श्रीमती वर्ष ४८ की गिता चौहानको शरिरमा पनि चोट लागेको प्रहरीले जनाएको छ ।

दुबैको मेडिकल कलेज भैरहवा उपचार भई रहेको कपिलवस्तु प्रहरीले जनाएको छ ।

सोमबार मात्र पूर्वपश्चिम राजमार्ग अन्तर्गत बाणगंगा ७ कोइली बनगाईँमा दुई मोटरसाइकल एकापसमा ठोक्किदा एक जनाको मृत्यु भएको थियो ।

यो पनि… वाणगंगामा दुई मोटरसाइकल आपसमा ठोकिँदा एकको मृत्यु