बुटवलमा जंगली च्याउ खाँदा ६ जना बिरामी

रुपन्देही ।

बुटवलमा जंगली च्याउ खाँदा एकै परिवारका ६ जना बिरामी परेका छन्। बुटवल उपमहानगरपालिका १२ नयाँ गाउँमा जंगली च्याउ खाँदा एकै परिवारका ६ जना बिरामी भएको प्रहरीले जनाएको छ। त्यसमध्ये ५ जनाको अवस्था गम्भीर रहेको छ।

जंगलबाट च्याउ ल्याएर खाएका २८ वर्षीया रिना विक, २८ वर्षीया कमला विक, ८ वर्षकी सुप्रिया विक, ३८ वर्षीय विष्णु विक र ३३ वर्षीया दुर्गा विक र ५० वर्षीय हुमबहादुर विक बिरामी परेका छन् । जंगली च्याउ खाएर बिरामी परेका उनीहरुलाई पौने ९ बजे आफन्तले अस्पताल पुर्याएका थिए ।

जंगली च्याउ खाएर बिरामी परेकाहरुको अहिले लुम्बिनी प्रादेशिक अस्पताल बुटवलमा उपचार भइरहेको बुटवलका प्रहरी नायव उपरीक्षक ठगबहादुर केसीले बताए।