काठमाण्डौको रविभवनमा मोटरसाइकल दुर्घटना हुँदा एक जनाको ज्यान गयो

काठमाण्डौ ।

काठमाण्डौको रविभवनमा मोटरसाइकल दुर्घटना हुँदा चालकको ज्यान गएको छ ।

हिजो बेलुका बा ०२ ०३० प ६३६२ नम्बरको मोटरसाइकल अनियन्त्रित भएर दुई वटा बसमा ठोक्किएको प्रहरीले जनाएको छ ।
दुर्घटनामा मोटरसाइकलका चालक मकवानपुरको थाहा नगरपालिका २ का राजु दुतराजको ज्यान गएको हो ।

घटनाको अनुसन्धानका लागि प्रहरीले दुई वटै बसका चालकलाई पक्राउ गरेको छ ।