भैरहवा ।
प्रधानमन्त्री शेर बहादुर देउवा र शिक्षामन्त्री देवेन्द्र कंडेल सवार रहेको नेपाली सेनाको हेलिकप्टर ईन्धन भर्नका लागी गौतम बुद्ध अन्र्तराष्ट्रिय बिमानस्थल भैरहवा अवतरण भएको छ ।
धनगढीमा हुने कार्यक्रमका लागि जान लागेका प्रधानमन्त्री देउवा सवार हेलिकोप्टरमा इन्धन सकिएपछि विमानस्थलमा अवतरण गरिएको गौतम बुद्ध अन्र्तराष्ट्रिय बिमानस्थलका प्रवक्ता श्याम किशोर साहले जानकारी दिए ।
प्रधानमन्त्री देउवा सुदूरपश्चिम विश्वविद्यालयको दीक्षान्त समारोहमा सहभागी हुन काठमाडौंबाट नेपाली सेनाको हेलिकोप्टरमा सवार थिए ।
करिब २० मिनेट हेलिकप्टर रोकिने क्रममा प्रधानमन्त्री देउवा राजनैतिक भेटघाट गरेका थिए ।
उनलाई नेपाली कांग्रेसका केन्द्रीय सदस्य अब्दुल रज्जाक, नेपाली कांग्रेस रुपन्देहीका सभापति एवम् तिलोत्तमा नगरपालिकाका प्रमुख रामकृष्ण खाँण, सिद्धार्थनगर नगरपालिकाका प्रमुख ईस्तियाक अहमद खान, नेपाली कांग्रेस सिद्धार्थ नगर सभापति कोशिस बहादुर खड्का, तरुणदलका जिल्ला अध्यक्ष सोमबहादुर गुुरुङ्ग, नगर अध्यक्ष दिपेन्द्र बुढाप्रीती, युवा नेता एवम् पूर्व जिल्ला सदस्य ओमकुमार श्रेष्ठ लगायतका नेताहरुले भेटघाट गरेका थिए ।
प्रतिक्रिया