कपिलवस्तु प्रहरीको ठूलो सफलता, ११ महिनामा ६ सय १८ फरार प्रतिवादी पक्राउ

मायादेवी अनलाइन, बाणगंगा ।
जिल्ला प्रहरी कार्यालय कपिलवस्तुले ११ महिनाको अवधिमा ठूलो संख्यामा फरार प्रतिवादी पक्राउ गर्न सफल भएको छ ।

बुधबार कार्यालयमा पत्रकार सम्मेलनको आयोजना गरी जिल्ला प्रहरी कार्यालयले ११ महिनाको अवधिमा ६ सय १८ फरार प्रतिवादी पक्राउ गर्न सफल भएको जानकारी गराएको हो ।

गत आवमा १ बर्षको अवधिमा जम्माजम्मी १ सय ३९ जना फरार प्रतिवादी पक्राउ परेका थिए । तर, चालु आवको ११ महनामा यति धैरैको संख्यामा प्रतिवादी पक्राउ गर्न कपिलवस्तु प्रहरी सफल भएको छ ।

प्रहरीले जानकारी गराएको विवरण अनुसार साउन महिनामा सबैभन्दा बढी २ सय ८९ फरार प्रतिवादी पक्राउ परेका छन् । भदौ महिनामा १ सय २७ प्रतिवादी पक्राउ गरेको प्रहरीले जेष्ठ महिनामा २२ जना पक्राउ गरेको छ ।

पक्राउ गरिएको प्रतिवादीबाट प्रहरीले ४८ लाख ३२ हजार बराबरको राजश्व पनि संकलन गर्न सफल भएको छ ।