बाणगंगामा चोरले गोठबाटै भैँसी चोरेपछि..

मायादेवी अनलाइन, जितपुर ।

कपिलवस्तुको बाणगंगा नगरपालिकामा चोरले गोठबाटै भैँसी चोरेर लगेको छ । वडा नम्बर ११ मैनारामा गएराति चोरले भैँसी र पाडो गोठबाटै चोरेर लगेको हो ।

स्थानीय उमाशंकर थारुको करिब डेढ लाखको भैँसी र पाडो चोरी भएको हो । थारुले राती ११ देखि १२ बजेको समयमा भैँसी चोरी भएको बताउनुभयो ।

भैँसी चोरी भएको राति नै थाहा पाएपनि खोजी गर्दा फेला पार्न नसकिएको उहाको भनाई छ । भैसीँ चोरी गर्ने र बोर्डर कटाउनेको गिरोह नै रहेको उहाँले बताउनुभयो ।

पछिल्लो समय बाणगंगाका विभिन्न स्थानमा चोरीका घटना भैरहेका छन् । चोरीका भटना बढेपछि प्रहरीले सचेत हुन आग्रह गरेको छ ।