शितगंगामा ट्याक्टर दुर्घटना, ४ जना घाइते

शितगङ्गा ।

अर्घाखाँचीको शितगङ्गा १ सुवर्णखाल गाउँ नजिकै ट्याक्टर दुर्घटना हुँदा ४ जना घाइते भएका छन् । लु ४ त ५५८८ नम्बरको ट्याकटरमा ३ जना कपिलबस्तुका र १ जना शितगंगा १ का सवार रहेको प्रहरीले जनाएको छ ।

घाइते मध्ये १ जनाको टाउकोमा गम्भीर चोट लागेको छ भने १ जनको खुट्टा फ्याक्चर भएको र अन्य २ जनाको पनि टाउको र अन्य भागमा चोट लागेको जनाइएको छ । घाइते चारै जनालाइ बुटवल रिफर गरएको प्रहरी निरिक्षक रेग्मीले जानकारी दिनुभएको छ ।

सुवर्णखाल को भुन्टे डाढा भन्ने ठाउँ बाट ढुङ्गा बोकेर जाँदै गरेको ट्याक्टर सडकबाट तल खसेको इलाका प्रहरी कार्यलय ठाडाका प्रहरी निरिक्षक होम रेग्मीले जानकारी दिनुभयो ।