मायादेवी अनलाइन, जितपुर ।
कपिलवस्तुको बाणगंगा ५ कोपवामा सुविधा सम्पन्न “प्रेरा पोलिक्लिनिक प्रा.लि.” सञ्चालनमा आएको छ । शनिबार एक कार्यक्रमका बीच लुम्बिनी प्रदेश सभा सदस्य बिष्णु पन्थीले “प्रेरा पोलिक्लिनिक प्रा.लि.”को उद्घाटन गर्नु भएको हो ।
कार्यक्रममा बोल्दै प्रमुख अथिति बिष्णु पन्थीले कोपवामा यस पोलिक्निक सञ्चालनमा आउदा धेरै नागरिक प्रभावित हुनुका साथै कोपवा क्षेत्रको बिकासमा टेवा पुग्ने बताउनु भयो ।
हरेक दिन एमबिबिएस डाक्टरबाट सेवा, एक्सरे तथा भिडियो एक्सरे सेवा, २४ सै घण्टा आकस्मिक सेवा दिने उद्धेश्यले “प्रेरा पोलिक्लिनिक प्रा.लि.” कोपवा बजारमा सञ्चालमा आएको हो ।
उद्घाटन कार्यक्रममा प्रदेश सभा सदस्य बिष्णु पन्थी, कपिलवस्तु उद्योग बाणिज्य सघंका निबर्तमान अध्यक्ष उमानाथ पौडेल, माओवादी केन्द्र लुम्बिनी प्रदेश सदस्य बिष्णु बेल्बासे, वडा नः ५ का वडा अध्यक्ष दुनिका भुसाल, समाजसेवि चिरञ्जीवि गिरी लगायतले शुभकामना मन्तब्य राख्नु भएको थियो ।
कार्यक्रम थानेश्वर घिमिरेको अध्यक्षता, सुमन पाण्डेको स्वागत मन्तब्य र सञ्चारकर्मी अशोक पौडेलको सञ्चालनमा सम्पन्न भएको थियो । “प्रेरा पोलिक्लिनिक प्रा.लि.” सुपथ मूल्यमा सेवा प्रवाह गर्ने उद्धेश्यले खोलिएको र गुणस्तरीय सेवामा जोड दिने सञ्चालक बिक्रम घिमिरेले बताउनु भयो ।
प्रतिक्रिया