पाल्पाको कालिगण्डकी नदी किनारमा एक युवती मृत फेला

पाल्पा ।

पाल्पामा एक युवती घरबाट बेपत्ता भएको झण्डै एक महिना पछि कालिगण्डकी नदी किनारमा मृत फेला परेकी छन् । जिल्लाको रम्भा गाउँपालिका–३ अमिले बस्ने वीरबहादुर दर्जीकी २२ वर्षीया छोरी अस्मिता दर्जी मृत फेला परेकी हुन् ।

उनी गत वैशाख ११ गते विहान करिव १० बजेतिर घरबाट निस्केकी थिइन् । वेपत्ता भएलगत्तै उनका परिवारले प्रहरीमा खोजतलासका लागि निवेदन दिएका थिए । शनिवार उनको शव कालिगण्डकी नदि किनारमा फेला परेको पाल्पाका प्रहरी प्रवक्ता डिएसपी वीरेन्द्र थापाले जानकारी दिए ।

मृतकको शव पोष्टमार्टमका लागि रामपुर अस्पतालमा ल्याइएको छ । घटनाको अनुसन्धान भइरहेको डिएसपी थापाले बताए ।