मायादेवी अनलाइन, वाणगंगा ।
कपिलवस्तुको पहिलो डिजिटल पत्रिका मायादेवी अनलाइन डटकमको सम्पादकमा हरि अधिकारी नियुक्त भएका छन् ।
मायादेवी मिडिया ग्रुपको सञ्चालक समितिको बैठकले अधिकारीलाई सम्पादकमा नियुक्त गरेको हो ।
ग्रुपका अध्यक्ष तथा प्रबन्ध निर्देशक समेत रहेका अधिकारीलाई सम्पादकको थप जिम्मेवारी दिइएको सञ्चालक समितिले जनाएको छ ।
यस भन्दा अगाडी अनलाइनको सम्पादकमा चन्द्रकान्त शर्माले जिम्मेवारी सम्हालेका थिए । शर्माले राजीनामा दिए पछि अधिकारी सम्पादक भएका हुन् ।
शर्माले अनलाइनको ०७४ साल साउन देखि सम्पादकको जिम्मेवारी सम्हालेका थिए । यस भन्दा अगाडी दिपक अनुरागी सम्पादक थिए ।
अधिकारी कपिलवस्तुमा डेढ दशक बढी देखि पत्रकारितामा आवद्ध छन् । नेपाल पत्रकार महासंघ कपिलवस्तु शाखाको उपाध्यक्ष समेत रहेका अधिकारी विभिन्न सञ्चार माध्यममा क्रियाशील छन् ।
प्रतिक्रिया