कपिलवस्तु शुद्धोधनको अध्यक्षमा जसपा, उपाध्यक्षमा माओवादीको अग्रता

मायादेवी अनलाइन, वाणगंगा ।
कपिलवस्तुको शुद्धोधन गाउँपालिकामा मतगणना जारी छ । वडा नं. १, वडा र वडा नं. २ को मतगणनामा प्रारम्भिक विवरण आउन थालेको छ ।

३ हजार ६ सय ३८ मत गणना हुँदा सार्वजनिक भएको मतपरिणाम अनुसार गाउँपालिका अध्यक्षमा जसपाका निसार अहमद खाँ अगाडी देखिएका छन् ।

खाँले ७ सय ३ मत पाएका छन् । उनलाई लोकतान्त्रिक समाजवादी पार्टीका उम्मेद्वार कमलेश शरण चौधरीले ५ सय ७९ मत लिएर पछ्याइरहेका छन् ।

यता गाउँपालिकाको उपाध्यक्षमा नेकपा (माओवादी केन्द्र)का होमप्रकाश चौधरी (लाला) अगाडी देखिएका छन् । उनले ७ सय ७८ मत पाएका छन् । उनको निकटतम प्रतिद्धन्द्धीमा नेपाली कांग्रेसकी सुधादेवी पाण्डेयले ४ सय ६७ मत पाएकी छिन् ।