वाणगंगा १० कांग्रेसले गुमायो, एमालेका पोख्रेल वडाध्यक्षमा विजयी

मायादेवी अनलाइन, वाणगंगा ।
कपिलवस्तुको वाणगंगा नगरपालिका वडा नं. १० को वडाध्यक्षमा नेकपा (एमाले)का यमलाल पोख्रेल विजयी भएका छन् ।

उनले निकटतम प्रतिद्धन्द्धी नेपाली कांग्रेसका वडाध्यक्ष पदका उम्मेद्वार रामनक्षत्र चौधरीलाई पराजित गर्दै वडाध्यक्षमा निर्वाचित भएका हुन् ।

मतगणनामा सुरुवात देखि नै अग्रता कायम गर्दै आएका पोख्रेलले झण्डै १ सय मतान्तरमा कांग्रेसलाई हराएको जनाइएको छ । यसको औपचारिक मतपरिणाम भने निर्वाचन कार्यालयले अझै सार्वजनिक गरेको छैन् ।

गएको २०७४ मा कांग्रेसले यो वडामा विजयी हासिल गरेको थियो । अहिले भने एमालेले जितेको छ । गएको चुनावमा पोख्रेललाई नै एमालेले उम्मेद्वार बनाएको थियो ।