मायादेवी अनलाइन, वाणगंगा ।
कपिलवस्तुको सदरमुकाममा अवस्थित कपिलवस्तु नगरपालिकामा जसपाका उम्मेद्वार सुदीप पौडेलले फेरि मतान्तर बढाएका छन् ।
सुरुवात देखि नै निकटतम प्रतिद्धन्द्धी भन्दा अगाडी देखिदै आएका पौडेललाई एमालेका उम्मेद्वार डा राजेश गुप्ताले आइतबार मध्यान्नपख उछिनेका थिए ।
तर, सोमबार विहान सार्वजनिक भएको मतपरिणाम अनुसार पौडेल ३ सय ७१ मतले अगाडी छन् ।
पौडेलले हालसम्म ४ हजार ६ सय ५३ मत पाएका छन् भने एमालेका गुप्ताले ४ हजार २ सय ८२ मत ल्याएका छन् ।
नेपाली कांग्रेसका उम्मेद्वार किरण सिंह पछाडी परेका छन् । सिंहले २ हजार ८ सय १२ मत पाएका छन् ।
कपिलवस्तु नगरपालिकाका १२ वडा मध्ये २ वडाको मतपरिणाम आइसकेको छ । जसमा वडा नं. १२ मा नेपाली कांग्रेस, वडा नं. ११ मा जसपा, वडा नं. १ मा जसपा र वडा नं. २ मा एमालेका उम्मेद्वार विजयी भएका छन् ।
वडा नं. ३ मा मतगणना जारी छ । पछिल्लो अपडेट अनुसार यो वडामा नेपाली कांग्रेसका उम्मेद्वार ६ सय ५९ मतका साथ अगाडी छन् ।
प्रतिक्रिया