मायादेवी अनलाइन, वाणगंगा ।
कपिलवस्तुको मायादेवी गाउँपालिकाको मत गणना जारी छ । ८ वडा रहेको मायादेवीमा शनिबार विहान देखि वडा नं. १, वडा नं. २ र वडा नं. ३ को मतगणना जारी भएको हो । अहिलेसम्म २६५० मत गणना हुँदा यहाँ नेपाली कांग्रेसका उम्मेद्वार वलिउद्दिन मुसलमान ७ सय ८९ मतका साथ अगाडी देखिएका छन् ।
एकीकृत समाजवादीका उम्मेद्वार फैजल खाँनले मुसलमानलाई पछ्याइरहेका छन् । खाँनले ४ सय ७९ मत पाएका छन् ।
जसपा नेपालका उम्मेद्वार बजरंगी कुर्मीले ३ सय ४० मत पाएका छन् ।
गाउँपालिका उपाध्यक्ष तर्फ नेपाली कांग्रेसकी उम्मेद्वार सरस्वती यादव अगाडी देखिएकी छिन् । उनले ६६६ मत पाएकी छिन् भने एकीकृत समाजवादीकी माधुरी अग्रहरीले ४४८ मत पाएकी छिन् । जसपाकी रश्मि त्रिपाठी ३२४ मतका साथ तेस्रो स्थानमा छिन् ।
प्रतिक्रिया