नुवाकोटको १८ वडाको मतगणना सकियो, गठबन्धनको १३ वडामा जित

नुवाकोट ।

नुवाकोटको १३ स्थानीय तहबाट कुल ८८ वटामध्ये हालसम्म १८ वटा वडाको मतगणना सकिएको छ । हालसम्म मतगणना सकिएका वडाहरुमध्ये सबैभन्दा बढी नेपाली काँग्रेसले ७ वटा वडामा जित निकालेको छ भने दोस्रोमा नेकपा माओवादी केन्द्रले ६ वटा वडा र नेकपा एमालेले ५ वटा वडा मात्र जितेको छ ।

चुनावी मत परिणामअनुसार हालसम्म नेपाली काँग्रेसले म्यागङ गाउँपालिका– १ बाट जिमाबहादुर तामाङ, पञ्चकन्या गाउँपालिका– १ बाट महानन्द ढकाल, किस्पाङ गाउँपालिका– १ बाट पशुपति घले, तारकेश्वर गाउँपालिका– ५ बाट अशोक तामाङ, तादी गाउँपालिका– १ बाट नकुर दोङ तामाङ, लिखु गाउँपालिका– १ बाट नरहरि पाण्डे र सूर्यगढी गाउँपालिका–२ बाट दिपक अधिकारी विजयी भएका छन् ।

यस्तै, नेकपा माओवादी केन्द्रले तादी गाउँपालिका– २ बाट बच्चुराम तामाङ, शिवपुरी गाउँपालिका–१ बाट सुकुराम तामाङ, सूर्यगढी गाउँपालिका– १ बाट राजकुमार तामाङ ९रञ्जित०, दुप्चेश्वर गाउँपालिका– १ बाट सीताराम तामाङ, २ बाट बीरबल तामाङ र ककनी गाउँपालिका–१ बाट पदमबहादुर बलामी विजयी भएका छन् ।

यता नेकपा एमाले भने तारकेश्वर गाउँपालिका–६ बाट नारायणप्रसाद रिमाल, म्यागङ गाउँपालिका–२ बाट सन्तबिर तामाङ, वेलकोटगढी नगरपालिका– १ बाट सन्तबहादुर तामाङ, लिखु गाउँपालिका– २ बाट प्रेमबहादुर थापामगर र विदुर नगरपालिका–१ बाट लेलिन रञ्जित विजयी भएका छन् ।