शिवराज १ मा एमालेले वडा जित्दै आफ्नो विरासत कायम राख्यो

मायादेवी अनलाइन, वाणगंगा ।
कपिलवस्तुको शिवराज नगरपालिका वडा नं. १ मा नेकपा (एमाले)ले आफ्नो विरासत कायम राख्दै जित हात पारेको छ ।

०७४ सालको निर्वाचनमा पनि यो वडामा एमालेका उम्मेद्वार जगत बहादुर जिसी निर्वाचित भएका थिए ।

शनिबार साँझ आएको अन्तिम मतपरिणाम अनुसार वडा नं. १ मा एमालेका उम्मेद्वार खिमविक्रम केसीले राप्रपाका उम्मेद्वार राहुल थारुलाई हराएका हुन् ।

केसीले १ हजार ४ सय ५२ मत ल्याएका थिए ।

पराजित थारुले १ हजार २ सय ६२ मत ल्याएका थिए ।

वडा नं. १ मा एमालेको पूरै प्यानल विजयी भएकोछ । जसमा वडा सदस्यहरु गंगा घर्ती मगर, कुमारी बसन्ती दुतराज, भिखु थारु, लक्ष्मि हमाल रहेका छन् ।