रुकुम पश्चिममा स्वतन्त्र उम्मेदवारको प्यानल विजयी

रुकुम ।

रुकुम पश्चिमको त्रिवेणी गाउँपालिका वडा नम्बर १ मा स्वतन्त्र उम्मेदवार सुन्दर ओली विजयी हुनुभएको छ । कुल एक हजार १ सय १४ मत खसेकोमा नेकपा ९माओवादी केन्द्रका लक्ष्मण ओलीलाई १६० मतान्तरले पराजित गर्दै सुन्दर विजयी हनुभएको हो ।

सुन्दर ओलीले ५७७ मत प्राप्त गर्दा लक्ष्मणले ४ सय १७ मत प्राप्त गर्नुभयो । नेपाली कांग्रेसका मुस्कान ओलीको पक्षमा ४४ मत मात्र प्राप्त खसेको छ । वडा सदस्यमा स्वतन्त्र प्यानलबाटै कमला बोहरा, लालसरा कामी, खड्कबहादुर पुन र पूर्णबहादुर बुढा विजयी भएका छन् ।

निर्वाचित अध्यक्षसहित सबै सदस्य नेकपा माओवादी केन्द्र निकट हुन् । पहिले नेकपा माओवादी केन्द्र त्रिवेणीको वरिष्ठ उपाध्यक्ष रहनुभएका सुन्दरले टिकट नै नपाएपछि प्यानल बनाएर स्वतन्त्र उम्मेदवारी दिनुभएको थियो । उहाँलाई पार्टीले ६ महिनाका लागि निलम्बन गरेको छ ।