बुद्धभूमिको मतगणना विहान ८ बजेबाट, सुरुवातमा १ र १० वडाको मत गणना गरिने

मायादेवी अनलाइन, वाणगंगा ।
कपिलवस्तको बुद्धभूमि नगरपालिकाको मतगणना शनिबार विहान ८ बजेबाट हुने भएको छ । शुक्रबार राति बसेको सर्वदलिय बैठकले मतगणना विहान देखि गर्ने गरि निर्णय गरेको थियो ।

निर्वाचन अधिकृत महेश पाण्डेका अनुसार गौतमबुद्ध मावि गोरुसिंगेमा मतगणना हुने छ । सुरुवातमा वडा नं. १ र वडा नं. १० को मत गणना हुने उहाँले बताउनुभयो ।

१० वडा रहेको बुद्धभूमिमा शुक्रबार सम्पन्न निर्वाचनमा जिल्ला मै बढी मत खसेको छ । जिल्ला निर्वाचन कार्यालयका अनुसार बुद्धभूमिमा ७७ प्रतिशत मत खसेको छ ।