७ बजे देखि मतदान सुरु, कपिलवस्तुका मतदाता उत्साहित

मायादेवी अनलाइन, वाणगंगा ।
विहान ७ बजे देखि मतदान सुरु भएको छ । स्थानीय तह निर्वाचन अन्तरगत आज कपिलवस्तुसहित देशभर मतदान सुरु भएको हो ।

कपिलवस्तुका १० पालिका मध्ये ९ पालिकामा विहान ७ बजे देखि मतदान सुरु भएको जिल्ला निर्वाचन कार्यालयले जनाएको छ ।

जिल्लाको महाराजगञ्ज नगरपालिकामा नगर उप-प्रमुखको उम्मेद्वार शोभावती कुर्मीको निधन भएको पछि त्यहाँ मतदान प्रक्रिया रोकिएको छ । यस नगरमा जेष्ठ ३ गते मात्र चुनाव हुने छ ।

आफ्नो मत प्रकट गर्नका लागि मतदाताहरु विहानै देखि उत्साहित हुँदै मतदान प्रक्रियामा सहभागी भएका छन् ।

जिल्लाको वाणगंगा नगरपालिकामा पनि मतदाता उत्साहित हुँदै मतदान स्थलसम्म पुगेका छन् ।