सन् २०२५ सम्ममा चीनमा नर्सको सङ्ख्या ५५ लाख पुग्ने

एजेन्सी ।
चीनको राष्ट्रिय स्वास्थ्य आयोगले सार्वजनिक गरेको नयाँ योजनाअनुसार सन् २०२५ सम्ममा देशमा ५५ लाख नर्स हुनेछन् । सन् २०२५ सम्ममा प्रति हजार जनामा ३ दशमलव ८ दर्ता नर्स रहने नर्सिङ विकास योजनाले देखाएको छ ।

सन् २०२० को अन्त्यमा चीनमा दर्ता नर्सहरूको सङ्ख्या ४७ लाखभन्दा बढी थियो जुन २०१५ को तुलनामा ४५ प्रतिशतले बढेको छ । देशका ७० प्रतिशतभन्दा बढी नर्सहरूसँग जुनियर कलेज डिग्री वा त्योभन्दा माथिको डिग्री रहेको जनाइएको छ ।

नर्सिङको सुधारले मानिसहरूको स्वास्थ्य सुधार गर्न मद्दत पुग्ने चीनको राष्ट्रिय स्वास्थ्य आयोगको योजनामा उल्लेख छ ।