साझा गिलास चिन्हका उम्मेद्वार भन्छन्ः दल बदल्न पर्दैन्, मन बदल्नुहोस्

मायादेवी अनलाइन, वाणगंगा ।
कपिलवस्तुको बाणगंगा ६ मा साझा गिलास चिन्ह का उम्मेद्वारहरुले मतदातालाई यसपालि मन मन बदलेर मतदान गर्न अपिल गरेका छन् ।

जनुसुकै पार्टीमा आस्थावान भए पनि गिलास साझा चिन्ह लिएर चुनाव लडेको हुँदा यसपटक दल बदल्न नपर्ने तर वडाको विकास र संमृद्धि सुशासनका लागि मन बदल्ने बेला आएको बताएका छन् ।

घरदैलो कार्यक्रम अन्तरगतको विभिन्न ठाउँको कोष सभामा बोल्दै उम्मेद्वारहरुले लामो राजनैतिक यात्रामा हालसम्म अविचलित र अविराम यात्रामा रहेकै बेला गठबन्धन भई साझा उमेद्वार भएकोले सबैलाई हातेमालोको लागि अनुरोध गरेका हुन् ।

जस अन्तरगत गठबन्धन टिमको घरदैलो उत्साहजनक भएको छ । गिलास चुनाव चिन्हबाट साझा वडाध्यक्षका उम्मेद्वारका रुपमा रहेका राम प्रसाद बेल्वासे, खुल्ला सदस्य विनोद कुमार परियार, शोभावती थारु, महिला सदस्य रिता पाण्डे दलित सदस्य दुर्गा सुनुवार लगायतको टोली मतदाताको घरदैलो पुगेको हो ।

घरदैलो पुग्दा जनमानसमा नेतृत्व परिवर्तनका लागि उत्साह जागेको र अभियान टोलीलाई उत्प्रेरण जागेको बताईएको छ । घरदैलो अन्तरगत वडा विभिन्न ठाउँमा ¥याली सहित नाचगाँन समेत गरिएको थियो ।