बुद्धभूमि ५ मा एमालेका उम्मेदवार द्धारा घरदैलो अभियान तिव्र

मायादेवी अनलाइन, जितपुर ।

आसन्न स्थानीय तहको निर्वाचनका लागि कपिलवस्तु जिल्लाको बुद्धभूमि नगरपालिका वडा नं ५ मा एमालेले घरदैलो अभियानलाई तीब्रता दिएको छ । एमालेबाट वडाध्यक्षका उम्मेदवार बन्नुभएका रोम बहादुर थापा क्षेत्रीको संयुक्त टोली चुनावी प्रचारप्रसारमा होमिएको हो ।
घरदैलो अभियानमा एमालेप्रति जनताको छुट्टै किसिमको आशा, भरोसा र उत्साह देखिएको वडाध्यक्षका उम्मेदवार थापाले बताउनुभयो । उहाँले जनताको यो विश्वासलाई टुट्न नदिने प्रतिवद्धता जनाउदै एमालेका उम्मेदवारलाई जिताउन मतदातालाई आग्रह गर्नुभएको छ ।
वडालाई विकास र समृद्धिको बाटोमा अघि बढाउन आफुलाई जनताले जिताउन आवश्यक रहेको मतदातासमक्ष उद्धघोष गर्नुभएको छ । वडावासीहरुले विगतमा कांग्रेसका उम्मेदवारलाई जिताउदाँ विकास र समृद्धिको अनुभूनि नै गर्न नपाएको गुनासो गरेका छन् ।
मतदाताहरुले वडाध्यक्षका उम्मेदवार थापालाई अघि बढ्न आग्रह गर्दै जित सुनिश्चित रहेको समेत बताएका छन् ।