वडा ६ का मतदाता भन्छन्ः वडा पछाडी पर्‍यो नेतृत्व परिवर्तन गरौँं

मायादेवी अनलाइन, कोपवा ।

कपिलवस्तुको बाणगंगा ६ मा आजबाट गठबन्धन दलको घरदैलो शुरुभएको छ । गिलास चुनाव चिन्हबाट साझा वडाध्क्षका उमेद्वारका रुपमा रहेका राम प्रसाद बेल्वासेको नेतृत्वमा सुठौली, बनकसिया, सुठौली भाठा, डाच्नेडाडाँ, भग्लापुर लगाएका क्षेत्रमा घरदैलो अभियान संचालन गरेको हो ।
घर घरमा गठबन्धनका साझा उमेद्वारलाई मतदाताले वडा मा उत्कृष्ट नेतृत्व आवश्यक रहेको भन्दै यसपट्क नयाँ नेतृत्वलाई मतदान गर्ने बताएका थिए ।
सो क्षेत्रका बासिन्दाले विगतमा बाणगंगा नगरको तथ्याङ्गमा वडा नं ६ पछाडी परेको स्मरण गर्दै यसपाली नगरको मुहार फेर्न नेतृत्व परिवर्तन गर्नुपर्ने गुनासो व्यक्त गरेका थिए । विगतको ५ वर्षमा वडामा गर्व गर्न लाएक कुनै काम नभएको भन्दै यसपाली मतदाताले सुझबुझका साथ लाग्नुपर्ने दिन आएको बताए । वडाको नेतृत्व यसपाली दलिय हिसावले नभई हाम्रो नभएर राम्रो मान्छे आवश्यक रहेको बताएका थिए ।
यता वडाध्यक्षका उमेदवार सहित गठबन्धनका सदस्यहरुले जनताको भावनामा भावुक हुदै जनचाहना अनुसारका कामहरुलाई प्रथमिकता दिने बताएका थिए ।