सबैतिर तालमेल गरेर जाने निर्णय भयोः प्रचण्ड

काठमाण्डौ ।

नेकपा माओवादी केन्द्र का अध्यक्ष पुष्पकमल दाहाल प्रचण्डले सत्तारुढ दलहरूबीच तालमेलको विषयमा कुरा भएको बताउनुभएको छ ।

पत्रकारहरूसँग कुराकानी गर्दै उहाँले आज शुक्रवार बसेको सत्तारुढ गठबन्धनको बैठकमा चुनाव केन्द्रित कुराकानी भएको बताउनुभएको हो ।
उहाँले भन्नुभयो, ‘मुख्य रूपमा निर्वाचन केन्द्रित भएर कुरा भएको छ । सबैतिर तालमेल गरेर नै जाने भन्ने कुरा भयो ।’

अर्को एक फरक प्रसङ्गमा उहाँले भरतपुर महानगरको नेतृत्वका बारेमा छलफल नभएको बताउनुभयो । उहाँले भन्नुभयो, ‘छलफलबाट निकास निकाल्छौँ । केही समस्या छैन ।’