साफ यू–१८ महिला च्याम्पियनशिपको पहिलो खेलमा नेपाल पराजित

काठमाण्डौ ।

साफ यू–१८ महिला च्याम्पियनशिप फुटबलको पहिलो खेलमा नेपालले भारतसँग ७,० को फराकिलो हार बेहोरेको छ ।

भारतको जमसेदपुरमा मङ्गलवार भएको उद्घाटन खेलमा नेपाल आयोजक भारतसँग ७(० गोलले पराजित भएको हो ।

पहिलो हाफमा ३(० ले अघि रहेको भारतले दोस्रो हाफमा अरू चार गोल थपेको हो ।डबल राउण्ड रोबिनको आधारमा हुने च्याम्पियनशिपमा नेपाल, भारत र बङ्गलादेश रहेका छन् ।

अब नेपालले दोस्रो खेलमा बिहीवार बङ्गलादेशसँग खेल्नेछ ।प्रतियोगितामा शीर्ष टोली च्याम्पियन बन्नेछ ।