ओदारीमा भारतीय ट्रकको ठक्करबाट एक विद्यार्थी घाइते, स्थानियद्धारा नारावाजी

मायादेवी अनलाइन, जितपुर ।

कपिलवस्तुको वाणगंगा नगरपालिकामा भारतीय ट्रकको ठक्करबाट एक छात्रा घाइते भएकी छन् । वाणगंगाको वडा नम्बर ११ ओदारी चोकमा शुक्रबार दिउँसो भारतीय ट्रकले ठक्कर दिदाँ ओदारी उच्च माविमा अध्ययनरत छात्रा सृजना यादव घाइते भएको इलाका प्रहरी कार्यालय पिपराले जनाएको छ ।

तौलिहवाबाट जितपुर तर्फ आउदै गरेको युपी ४१ एपी १५८२ नम्बरको भारतीय ट्रकले यादवलाई ठक्कर दिएको हो । ट्रकको ठक्करबाट घाइते यादवको टाउकोमा चोट लागेको र उपचारको लागि बुटवल पठाइएको छ । अहिले स्थानिय तथा विद्यार्थीले सडकमा नारावाजी गरेका छन् भने सडक अवरुद्ध भएको छ । ट्रक र चालकलाई नियन्त्रणमा लिएर थप अनुसन्धान भैरहेको छ ।

ओदारिमा यस अघि पनि भारतीय ट्रकको ठक्करबाट स्थानिय अटो चालक अनिल मगरको ज्यान गएको थियो ।घटनाको बिरोधमा दुईदिन सम्म ओदारि बजार तनावग्रस्त बनेको थियो । बिभिन्न ८ बुँदे सहमति पछि स्थानियले बिरोध प्रदर्शन तथा नाराबाजी रोकेका थिए ।