रुपन्देहीमा ट्रकले मोटरसाइकललाई ठक्कर दिँदा १ जनाको मृत्यु, १ घाइते

भैरहवा ।

भैरहवामा आज बिहान साढे ९ बजे दुर्घटना हुँदा एक जनाको मृत्यु भएको छ । मायादेवी गाउँपालिका वडा नम्बर ८ विश्वकर्मा मन्दिर नजिकै लु २ ख १४४० नम्बरको ट्रकले लु२२प ९६६५ नम्बरको मोटरसाइकललाई ठक्कर दिएको थियो ।

ठक्करबाट मोटरसाइकल चालक मायदेवी गाउपालिका ८ बस्ने २० बर्षका रोहित रामदामको मृत्यु भएको रुपन्देही ट्राफिक प्रहरी प्रमुख केशव केसीले जनाए । यस्तै सोही घटनामा परि १९ बर्षका सुदामा बिक घाइते भएका छन । उनको अवस्था सामन्य रहेको प्रहरीले जनाएको छ । ठक्कर दिने ट्रक र चालक प्रहरी नियन्त्रणमा रहेका छन ।