काठमाण्डौ ।
शहीद स्मारक ‘ए’ डिभिजन लिग फुटबलमा आज दुई वटा खेल हुँदैछन् ।
काठमाण्डौको त्रिपुरेश्वरमा रहेको दशरथ रङ्गशालामा हुने खेलमा जावलाखेल युथ क्लब र सङ्कटा क्लब खेल्दैछन् । खेल दिउँसो एक बजे सुरु हुनेछ ।
जावलाखेल १२ खेलमा १३ अङ्क जोडेर दशौँ स्थानमा छ । समान खेलमा सङ्कटा १५ अङ्क जोडेर सातौँ स्थानमा छ ।
यस्तै एन्फा कम्प्लेक्स सातदोबाटो ललितपुरमा हुने खेलमा ब्रिगेड ब्वाइज र थ्री स्टार क्लब खेल्दैछन् । खेल दिउँसो एक बजे सुरु हुनेछ । ब्रिगेड १२ खेलमा ७ अङ्क जोडेर १३ औँ स्थानमा रहेको छ ।
ब्रिगेड रेलिगेसनमा परिसकेको छ । थ्री स्टार १२ खेलमा १८ अङ्क जोडेर छैटौँ स्थानमा रहेको छ । लिगको ११औँ चरणमा मच्छिन्द्र फुटबल क्लबले उपाधि जितिसकेको छ । १३औँ तथा अन्तिम चरणको खेल अन्तर्गत भोलि तीन वटा खेल हुनेछन् ।
प्रतिक्रिया