विभिन्न पार्टी परित्याग गरी नेकपा एसमा प्रवेश

कपिलवस्तु ।

कपिलवस्तुमा विभिन्न पार्टी परित्याग गरी नेकपा एकीकृत समाजवादीमा प्रवेश गरेका छन् । सोमबार पार्टी कार्यलयमा जिल्ला उपाध्यक्ष गिता अन्जानले उनिहरुलाई पार्टी प्रवेश गराउनुभएको थियो । कार्यक्रममा प्रभाकर मिश्रा, कमला बेल्वासे लगाएत प्रवेश गरेका हुन् । कार्यक्रममा बोल्दै प्रमुख अतिथि जिल्ला उपाध्यक्ष गिता अन्जानले देशभक्त, जनतामुखि सच्चा कम्यूनिष्ट नेकपा एकीकृत समाजवादीमा आउने बताउनुभयो ।
उहाले एकीकृत समाजवादी पार्टीले जनभावना अनुसार नै अगाडि बढ्ने, समाजवाद उन्मुख संविधान कार्यन्वनका लागि अग्रपंक्तिमा रहने बताउनुभयो । उहाले एमसीसी जस्तो राष्ट्रघाती अनुदान विना संसोधन राष्ट्रहितको पक्षमा नहुने भन्दै संसोधन विना स्वीकार नगर्ने निर्णय पार्टीले गरेको भन्दै जनताको मनोभावना बुझ्ने सबैभन्दा नजिकको पार्टी एकीकृत समाजवादी रहेको दाबी गर्नुभयो ।
कार्यक्रममा अनेमसंघ जिल्ला अध्यक्ष करिष्मा चन्द कुर्मी, कपिलवस्तु नगर कमिटी अध्यक्ष रफिक अंसारी, नगर सचिव राजु आचार्यको उपस्थिति रहेको थियोे । कार्यक्रमको संचालन जिल्ला सदस्य कमल बेल्वासेले गर्नुभएको थियो ।