शिवराजमा पटका पट्काउने क्रममा आगलागी हुँदा गोठ जलेर क्षति, एक जना घाईते

मायादेवी अनलाइन, कपिलवस्तु ।

कपिलवस्तुमा पटका पट्काउने क्रममा आगलागी हुँदा गोठ जलेर क्षति भएको छ ।
शिवराज नगरपालिका १० सितलापुर बस्ने बगेदन कुर्मीको घरमा महाराजगंजबाट विवाहको जन्ती आएकोमा जन्तीहरुले पटका पट्काउने क्रममा सोही ठाउँ बस्ने चन्द्रभान यादवको गोठमा शनिबार राति आगलागी हुँदा गोठ जलेर क्षति भएको हो । साथै गोठमा रहेको गाईवस्तुहरु बचाउन जाँदा आगोले जलेर सोही ठाउकाँ ३७ वर्षीय राजेश यादव घाईते भएका छन् ।

घाईते यादबलाई उपचारको लागि संजिवनी सामुदायिक अस्पताल चन्द्रौटा हुँदै थप उपचारको लागि भैरहवातर्फ रिफर गरिएको छ । पटका पड्काउने शंकास्पद २ जनालाई प्रहरीले नियन्त्रणमा लिएको छ ।

प्रहरी, स्थानीय बासिन्दा तथा दमकलको सहयोगमा आगालगी नियन्त्रणमा आएको हो । घटनाका सम्बन्धमा आवश्यक अनुसन्धान भैरहेको जिल्ला प्रहरी कार्यालय कपिलवस्तुले जनाएको छ ।