राष्ट्रिय बाणिज्य बैंक तोडफोड गर्ने पक्राउ

बाँके ।

बाँकेको नेपालगञ्जस्थित राष्ट्रिय बाणिज्य बैंकमा प्रवेश गरि तोडफोडमा उत्रिएका एक जना युवकलाई प्रहरीले पक्राउ गरेको छ ।

कैलालीको टिकापुर–९ घर बताउने २६ बर्षीय सञ्जु बिकलाई पक्राउ गरिएको हो । बिकले नेपालगञ्ज–२ मा रहेको उक्त बैंकमा प्रवेश गरि विभिन्न महत्वपुर्ण कागजात तथा दराज तोडफोड गरि भागेकोमा तत्काल जिल्ला प्रहरी कार्यालय बाँकेबाट खटिएका प्रहरीले खुकुरी सहित निजलाई पक्राउ गरेको थियो ।

तोडफोड घटना बारे अनुसन्धान भई रहेको प्रहरीले जनाएको छ ।