मायादेवी अनलाइन, जितपुर ।
नेकपा (एस) कपिलवस्तु नगरपालिकाको विस्तारित बैठक सम्पन्न भएको छ । मंगलबार पार्टी कार्यलयमा भएको बैठकले विभिन्न महत्वपूर्ण निणर्य गरेको छ । बैठकले अनेमसंघ समाजवादी नगर कमिटी गठन गरेको छ ।
कमला पौडेलको संयोजकत्वमा १८ सदस्यीय अनेमसंघ समाजवादी नगर कमिटी गठन गरेको हो । बैठकले नगर कमिटी तथा आवद्ध जन संगठनहरुलाई पुर्णता दिने, पार्टी सदस्यता वितरण लगाएतका महत्वपूर्ण निणर्य गरेको पार्टी उपाध्यक्ष गिता अन्जानले बताउनुभयो ।
यसैगरी आज नै कपिलवस्तुमा एमाले नेता इजाहर अहमदसहित दर्जनबढी नेता तथा कार्यकर्ता नेकपा एस मा प्रवेश गरेका छन् ।
युवा संघका जिल्ला सचिव राजु आचार्यको अगुवाइमा अहमदसहित मनिराम पाल, मोहम्द रफिक, जग्दिश केवट, शेषराम यादव, राम आँचल यादव, निम बहादुर विष्ट सहित १७ जना नेकपा एसमा प्रवेश गरेका अनेरास्ववियू जिल्ला कोषाध्यक्ष कमल बेल्वासेले बताउनुभयो ।
प्रतिक्रिया