वाणगंगामा शनिबार साप्ताहिक बजार बन्द गर्ने ४ नं क्षेत्रका उपसमितीको निर्णय

अनिश बन्जाडे, बाणगंगा ।

बाणगंगाको ४ नं क्षेत्रका उपसमितीका पदाधिकारीहरुले मंगलबार हुँदै आएको साप्ताहिक बजार बन्द शनिबार गर्ने निर्णय गरेका छन् । शनिबार यस क्षेत्रका ब्यवसायिहरुको बृहत भेलाले ब्यवसायिक राय सुझाबका लागि गठन गरिएका संयोजक शालिकराम आचार्यको संयोजकत्वमा बसेको बैठकले उक्त निर्णय गरेको हो ।

यसअघि ४ नं क्षेत्रका उपसमितीको माघ २० गतेको निर्णयले उद्योग बाणिज्य संघलाई मंगलबारको साप्ताहिक बजार बन्द शनिबार गराउनुपर्ने प्रस्ताब राखेका थिए सोहि अनुसार संघले माघ २५ गते भित्र जानकारी गराउने सहमती भएको थियो । तर संघले आजसम्म पनि कुनै प्रतिक्रिया दिन नसकेको भन्दै ४ नं क्षेत्रका उपसमितीले आगामी मंगलबार बजार खुल्ला रहने र शनिबार देखि साप्ताहिक बजार बन्द गर्ने निर्णय गरेको बताईएको छ । बैठकमा संयोजक शालिकराम आचार्य, क्षेत्रगत उपसमिती संयोजक खेमराज पौडेल, कपिलवस्तु उद्योग बाणिज्य संघका सचिब खिमानन्द पौडेल, क्षेत्रगत उपसमिती सचिब मुक्तिराम कडेल लगाएतका पदाधिकारीको उपस्थितीमा सम्पन्न भएको छ ।