जनता प्रगतिशिल पार्टीको महासचिवमा मिश्रा

मायादेवी अनलाइन, वाणगंगा ।
हृदयेश त्रिपाठी नेतृत्वको नवगठित जनता प्रगतिशिल पार्टीको महासचिवमा इश्वर दयाल मिश्राले जिम्मेवारी पाउनुभएको छ ।

कपिलवस्तु निवासी मिश्राले महासचिवको जिम्मेवारी पाउनुभएको हो । ०६४ सालको निर्वाचनमा तराई मधेस लोकतान्त्रिक पार्टीबाट संविधान सभाको निर्वाचन जित्नुभएका मिश्रा ०७० मा सोही दलबाट उम्मेद्वार बनेपनि पराजित हुनुभएको थियो ।

०७४ मा एमालेको सूर्य चिह्नबाट चुनाव लडेपनि उहाँ पराजित हुनुभएको थियो । मधेस केन्द्रीत दल कपिलवस्तुमा कमजोर भएको बेला मिश्रा नवगठित जनता प्रगतिशिल पार्टीमा लाग्नुभएको हो ।