पाल्पामा मोटरसाइकल दुर्घटनामा इन्जिनियरको मृत्यु

पाल्पा ।
पाल्पा रम्भा गाउँपालिका २ सुरुडाँडामा मोटरसाइकल दुर्घटनामा इन्जिनियर रविन दमै छिनालको मृत्यु भएको छ।

पूर्वी रुकुमको भूमे गाउँपालिका ४ घर भई हाल रम्भा गाउँपालिका बस्दै आएका २३ वर्षीय छिनालको मोटरसाइकल दुर्घटनामा मृत्यु भएको हो।
रम्भा १ हुँगीबाट ताहुँतर्फ आउने क्रममा लु६७प ४७८७ नम्बरको मोटरसाइकल अनियन्त्रित भई सुरूडाँडामा दुर्घटना भएको प्रहरीले जनाएको छ। मोटरसाइकल सडकबाट दुई सय मिटर तल खसेको थियो।

यस्तै, पाल्पाकै रैनादेवी छहरा गाउँपालिका २ आरीगैरामा लडेर पुरुषको मृत्यु भएको छ। मृत्यु हुने रैनादेवी छहरा २ दिगका ५८ वर्षीय नरबहादुर राना रहेको प्रहरीले जनाएको छ। सडकबाट २५० मिटर तल मृतकको शव भेटिएको थियो।