अर्घाखाँचीमा काँग्रेस परित्याग गरि २५ घर परिवार एमालेमा प्रबेश

बिष्णु कुमार आले, अर्घाखाँची

अर्घाखाँचीको शितगंगा ११ मा आज नेपाली काग्रेस पार्टी परित्याग गरि २५ घर परिवार एमालेमा प्रबेश गरेका छन् । अहिले सम्म नेपाली काग्रेस भित्र बसियो तर जनताको बिकाशका काममा ,गरिवको पिडामा नेपाली काग्रेस साझा बन्न नसक्दा आफू एमालेमा प्रबेश गरेको नवप्रबेशिका रूक बहादुर कामीले बताए ।

उनले भने, एमालेले सबै जात जाती,धर्म , लिङ्ग ,धनी ,गरिव ,महिला, बृद्धबृद्धा सबैको भावना बुझ्ने भएका कारण पनि सिङ्गो गाउँ एमालेमा प्रबेश गरेका हौं । हाम्रो उमेर त यत्तिकै बित्यो तर आफ्नो छोरा छोरीको भविश्यका लागि नेपाली काग्रेस परित्याग गरि एमाले पार्टी प्रबेश गरेको टोलका अगुवा टिकाराम गाहाले बताए ।

वडा कमिटी अध्यक्ष नवराज भुसालको अध्यक्षता , नेकपा एमाले केन्दीय कमिटी सचिव टोप बहादुर रायमाझीको प्रमुख आथित्यता रहेको कार्यक्रममा प्रदेश सभा सदस्य रामजी प्रसाद घिमिरे , जिल्ला कमिटी अध्यक्ष पिताम्बर भुसाल ,जिल्ला कमिटीका सचिव बिधान रायमाझी ,सहसचिव भिम केसी ,जिल्ला कमिटी सदस्य एवं नगर कमिटी ईन्चार्ज ओपी पाण्डे ,नगर कमिटी अध्यक्ष वसन्त कुमार श्रेष्ठ, जिल्ला कमिटी सदस्य सिवकला बिक ,कासि आचार्य, सुसिला आचार्य , ईन्द्र पल्ली लगायतको सहभागीता रहेको थियो । कार्यक्रम बिक्रम पल्लीको संचालन , नारायण प्रसाद आचार्यको स्वागतमा सम्पन्न भएको थियो ।