कपिलवस्तुका दुई प्रभावशाली नेता माओवादी केन्द्रमा प्रवेश

कपिलवस्तु ।

कपिलवस्तुका दुई प्रभावशाली नेताहरु माओवादी केन्द्रमा प्रवेश गरेका छन । जिल्लाको शिवराज नगरपालिकाका दुई दिग्गज नेताहरु नेकपा माओवादी केन्द्रमा प्रवेश गरेका हुन् ।
यसरी माओवादी पार्टी प्रबेश गर्नेहरुमा नेपाली काँग्रेस पुर्व महाधिवेशन प्रतिनिधी युवा नेता विरेन्द्र जयसवाल विजय र शिवराज नगरपालिका वडा ७ का वडा अध्यक्ष अनुप कुमार चौधरी रहेका छन् ।पुर्व प्रधानमन्त्री तथा नेकपा माओवादी केन्द्रका अध्यक्ष पुष्प कमल दाहाल प्रचण्डले जयसवाल र चौधरीलाई पार्टी प्रवेश गराउनु भएको हो । पार्टीको सिद्धान्त मन परेर माओवादी केन्द्र रोजेको विरेन्द्र जयसवाल विजयले बताउनु भयो । गत २०७४ सालको स्थानिय तहको निर्वाचनमा अनुप कुमार चौधरी स्वतन्त्र उम्मेदवार भई वडा अध्यक्ष विजयी हुनु भएको थियो ।