नेपालमा २४ घण्टामा ७ हजार ७७७ जना कोरोना संक्रमणमुक्त, १४ जनाको मृत्यु

काठमाडौँ ।

पछिल्लो २४ घण्टामा नेपालमा ७ हजार ७७७ जना कोरोना संक्रमणमुक्त भएका छन् । स्वास्थ्य तथा जनसंख्या मन्त्रालयको बुधबारको कोभिड १९ प्रेस ब्रिफिङमा डा संगीता मिश्राले देशभर गरी ७ हजार ७७७ जना निको भएको जानकारी दिएकी हुन् । यस्तै सोही अवधिमा १४ जनाको मृत्यु भएको छ ।

२४ घण्टामा १६ हजार ३५६ परीक्षण हुँदा २ हजार ४०१ जनामा संक्रमण पुष्टि भएको छ । ११ हजार ६०३ पीसीआर परीक्षण हुँदा १ हजार ८५१ र ४ हजार ७५३ जनामा एन्टिजेन परीक्षण गर्दा ५५० जनामा पोजिटिभ देखिएको हो । संक्रिय संक्रमितको संख्या ३० हजार २४१ मा झरेको छ ।
२४ घण्टामा २ लाख ४६ हजार ७८३ जनाले खोप लगाएको प्रवक्ता डा। मिश्राले जनाइन् ।