लुम्बिनी विकास कोषको कोषाध्यक्षमा भट्टराई नियुक्त

काठमाडौं ।
लुम्बिनी विकास कोषको कोषाध्यक्षमा रुपन्देहीका ढुण्डिराज भट्टराई (सिद्धिचरण) नियुक्त भएका छन् । सोमबार बसेको मन्त्रिपरिषद् बैठकले भट्टराईलाई कोषको कोषाध्यक्षमा नियुक्त गर्ने निर्णय गरेको हो । उनको कार्यकाल ५ वर्षको हुनेछ ।

रुपन्देहीको देवदह स्थायी घर भएका भट्टराईले लुम्बिनी बौद्ध विश्वविद्यालयबाट एप्लाइड बुद्धिजममा स्नातकोत्तर गरेका छन् ।

माजशास्त्रमा पनि स्नातकोत्तर र कानूनमा स्नातक गरेका भट्टराई दुई दशकदेखि पत्रकारितामा पनि आबद्ध छन् । उनी नेकपा एकीकृत समाजवादीका केन्द्रीय सदस्य एवं रुपन्देही सहइन्चार्ज हुन् ।

नवनियुक्त भट्टराईले आफ्नो कार्यकालमा लुम्बिनीको विकासको लागि गुरु योजना छिटो सम्पन्न गर्ने, बृहत्तर योजना अनुसार देवदह, रामग्राम, तिलौराकोटको विकास गर्ने प्राथमिकता रहेको बताए । उनले आफ्नो कार्यकालमा कोषमा आर्थिक पारदर्शिता र सुशासन कायम गर्ने अर्को काम रहेको बताए ।