कपिलवस्तु ।
वैदेशिक यात्रा बाट फर्किदै गरेका कपिलवस्तुका एक युवा ७ दिन देखि बेपत्ता भएका छन । जिल्लाको बाणगंगा नगरपालिका वडा नम्बर ६ निवासी ३० वार्षिय युवा रिम बहादुर खड्का ( रने) वैदेशिक रोजगारीबाट फर्कने क्रममा सम्पर्क बिहिन भएको पारिवारिक स्रोतले जनाएको छ ।
उनी यात्राबाट फर्किएको ७ दिन भयो तर अहिले परिवारसंग सम्पर्कबिहिन भएका छन ।
उनी माघ ९ गते बिहान अन्तराष्ट्रिय बिमानस्थल काठमाडौ आएको र आएपछि सोही साझ नाईट गाडी चडेर घर आउने परिवार संगको फोन संवादमा कुरा भएको परिवारले जनाएको छ ।
त्यसपछि उक्त दिन बाट परिवारसंग उनी सम्पर्कमा नरहेको बताएका छ्न । खड्काले १ थान टि भि, ब्लाङ्केट नेपाली रुपैया अन्दाजी दुई लाख र परिवारलाई खानेकुरा समेत ल्याएको उनकि श्रीमतिले बताएकी छन् । उनि वैदेशिक यात्रामा नफर्किने र नेपालमै केहि गर्ने उद्देश्यका साथ नेपाल आएका थिए ।
उनको खोजिका लागि परिवार दिनरात भैतारिरहेका छन तर केहि पत्ता लागेको छैन । खड्कालाई खोजी दिन परिवारले नेपाल प्रहरी, आफन्त, ईस्ट्मित्र, सन्चारकर्मि विभिन्न संघसंगठन संग अपिल गरेका छन ।
उनि साउदी अरेबियामा तिन बर्ष पहिलाबाट कार्यरत थिए । बेला बेला घरपरिवार संग भेटघाटका लागि पनि आउने जाने गरेको परिवारले बताएका छ्न । उनका एक छोरा र पत्नी रहेका छ्न । कोहि कसैले देखेमा नजिकैको प्रहरी कार्यलयमा सम्पर्क गरिदिन अनुरोध समेत गरिएको छ ।
प्रतिक्रिया