बाँकेमा ट्रकको ठक्करबाट एक जनाको मृत्यु

बाँके ।

बाँकेको कोहलपुरमा ट्रकको ठक्करबाट एक जनाको मृत्यु भएको छ । कोहलपुर नगरपालिका १४, हवल्दारपुरमा गए राति करिब १० बजे ट्रकले ठक्कर दिँदा नेपालगन्ज उपमहानगरपालिका–७ निवासी त्रिलोक केसीको मृत्यु भएको हो ।

ईलाका प्रहरी कार्यालय कोहलपुरका प्रमुख प्रहरी नायब उपरीक्षक रवीन्द्र खनालका अनुसार हवल्दारपुरस्थित विकासे पुलमा रहेको धर्मकाटाँमा कार्यरत कर्मचारी केसीलाई भे१क १९९९ नम्बरको ट्रकले ठक्कर दिएको हो ।

ठक्करबाट केसीको मृत्यु भएपछि चालक फरार रहेका छन् । फरार रहेका चालकको खोजीकार्य जारी रहेको खनालले बताउनुभयो ।