सिबी गहतराज एमाले कपिलवस्तुको सचिवमा उठ्ने

मायादेवी अनलाइन, चन्द्रौटा ।
नेकपा (एमाले) कपिलवस्तुको नजिकिदै गरेको नवौं जिल्ला अधिवेशनमा नेतृत्वमा आकांक्षी गर्ने उम्मेद्वार बढीरहेका छन् ।

पुस २३ र २४ गते वाणगंगा हुन लागेको जिल्ला अधिवेशनमा सचिव पदमा चन्द्र बहादुर गहतराज (सिबी)ले उम्मेद्वारी घोषणा गर्नुभएको छ ।
पार्टीका जिल्ला सचिवालय सदस्य समेत रहनुभएका गहतराजले सचिव पदमा आफ्नो उम्मेदवारी घोषणा गर्नु भएको हो ।

विद्यार्थीकाल देखिनै विभिन्न पदमा रहेर राजनितिमा होमिनु भएका गहतराज शिवराज नगरपालिकाको नगर कार्यापालिका सदस्य समेत रहनुभएको छ ।

एमालेलाई थप मजबुद बनाउँदै युवा शक्तिलाई परिचालन गर्न आफुले सचिव पदमा उम्मेद्वारी दिने निर्णय गरेको उहाँले बताउनुभयो । पार्टीका नेता तथा कार्यर्ताको सल्हाह सुझावलाई आत्मसाथ गर्दै सचिव पदको नेतृत्वमा आफुले उम्मेद्वारी घोषणा गरेको बताउनुभयो ।

२०५५ साल देखि नेकपा एमालेको भातृ संगठन जातीय उत्पिडित मुक्ति समाज कपिलवस्तु अध्यक्ष भएर समेत जिम्मेवारी सम्हाल्नु भएका गहतराजले २०६२ देखि जिल्ला कमिटीका विभिन्न जिम्मेवारीमा रहदै आउनुभएको छ ।

एमाले कपिलवस्तुको सचिवमा विश्व कार्की र भेषराज पाण्डेले पनि उम्मेद्वारी दिने बताउँदै आउनुभएको छ ।