बाबुराम अर्यालले एमाले कपिलवस्तुको जिल्ला सदस्यमा उम्मेदवारी दिने

मायादेवी अनलाइन, वाणगंगा ।
नेकपा (एमाले) को भातृसंगठन अनेरास्ववियुका नेता बाबुराम अर्यालले एमाले कपिलवस्तुको अधिवेशनमा जिल्ला सदस्यमा उम्मेद्वारी दिनुहुने भएको छ ।

यहीँ पुस २३ र २४ गते हुन लागेको जिल्ला अधिवेशनमा अर्यालले सदस्य पदमा आफ्नो उम्मेदवारी रहने बताउनुभएको हो ।

अनेरास्ववियुका केन्द्रीय कमिटी सदस्य समेत रहनुभएका अर्याल १३ बर्षको उमेर देखि नै राजनीतिमा होमिनुभएको थियो ।

आफु १३ वर्षको उमेरमै अनेरास्ववियु वाणगंगा माध्यमिक विद्यालय लौगाईबाट विद्यार्थी राजनीतिक जीवन सुरु गरेको अर्यालले बताउनुभयो । अनेरास्ववियु कपिलवस्तुको नेतृत्वसमेत गर्नुभएका उहाँ हाल एमालेको जिल्ला सदस्य समेत हुनुहुन्छ ।

पार्टीका नेता कार्यकर्ताले दिएको साथको कदर र सम्मानको साथै आफ्नो व्यक्तिगत जीवन भन्दा पार्टीलाई सर्वोपरी ठानेर काम गर्ने तीव्र चाहना रहेको उहाँले बताउनुभयो ।

उहाँले सर्वसम्मत र निर्वाचन प्रक्रियाबाट पार्टीको जिल्ला अधिवेशन सफल पार्न चुनिनुभएका जिल्ला अधिवेशन प्रतिनिधिलाई सहयोगको अपिल गर्नुभएको छ । अर्यालले पार्टीको हित र सामाजिक हितमा सदैव लाग्ने प्रतिबद्धता समेत जनाउनुभएको छ ।