बर्दियामा जङ्गली हात्ती मृत फेला

बर्दिया ।

नेपाल–भारत सिमाना नजिक पर्ने बर्दियाको राजापुर नगरपालिका १० ढुण्डिपुर गाउँमा जङ्गली हात्ती मृत अवस्थामा फेला परेको छ ।

राजापुरको ढुण्डिपुर गाउँको गहुँ–तोरी खेतमा आज मङ्गलवार बिहान जङ्गली हात्ती मृत अवस्थामा फेला परेको राष्ट्रिय प्रकृति संरक्षण कोष बर्दियाका प्रमुख डा। रबिन कडरियाले जानकारी दिनुभयो ।

मृत अवस्थामा फेला परेको जङ्गली हात्तीलाई विद्युतीय धरापमा करेन्ट लागेको हुन सक्ने प्रारम्भिक अनुमान गरिएको छ । घटनास्थलमा डिभिजन वन कार्यालय, निकुञ्ज, राष्ट्रिय प्रकृति संरक्षण कोष र सुरक्षाकर्मी टोली पुगिसकेको र मृत्यु भएको विषयमा अनुसन्धान भइरहेको उहाँले बताउनुभयो ।

अहिले पोस्टमार्टमको तयारी भइरहेको छ । पोस्टमार्टम रिपोर्टपछि मात्रै मृत्युको कारण थाहा हुने कडरियाले बताउनुभयो