रुकुम पूर्वमा दुई बालकबीचको बिवादका कारण एकको ज्यान गयो

रुकुम पूर्व ।

दुई बालकबीचको विवादका क्रममा एक बालकको ज्यान गएको छ । भूमे गाउँपालिका–१, का ९ वर्षीय बालकसँगको विवादका कारण ८ वर्षका बालकको ज्यान गएको प्रहरीले जनाएको छ ।

सोमबार दिउँसो गाई चराउन गएका साथी–साथीबीच कुटपिट भएको र ९ वर्षीय बालकले ८ वर्षकालाई कुटपिट गरी भिरबाट लडाइदिएको जिल्ला प्रहरी कार्यालयका प्रहरी उपरीक्षक डीएसपी गणेशबहादुर श्रेष्ठले जानकारी दिए ।

घाइते बालकलाई सोमबार बेलुकी जिल्ला अस्पताल ल्याइएको थियो ।अस्पताल पुर्‍याइएपछि ती बालकलाई अस्पतालले मृत घोषणा गरेको थियो । बालकका आफन्तले घाइते भनेर उपचारका लागि उनलाई अस्पताल ल्याएका थिए । ती ९ वर्षीय बालक र अर्का ८ वर्षीय बालकमाथि सोधपुछ थालिएको डीएसपी श्रेष्ठले बताए ।