नवलपरासीमा आपसी झगडाले लियो उग्ररुप, एकको मृत्यु

मायादेवी अनलाइन, नवलपरासी ।

नवलपरासीमा आपसी झगडाले उग्ररुप लिदा एकजनाको मृत्यु भएको छ ।

बर्दघाट नगरपालिका–२ आम्बास बस्ने २१ वर्षीय तुल बहादुर घर्ती सहित करिब १६ जना व्यक्तिहरुबिच आपसी झै–झगडा तथा कुटपिट हुँदा सोही नगरपालिका सुखौरा बस्ने २५ वर्षीय विशाल भन्ने सूर्य बहादुर थापाको मृत्यु भएको हो ।

उनीहरूबीच शुक्रबार साँझ झगडा तथा कुटपिट भएको थियो । कुटपिटबाट टाउकोमा चोट लागि गम्भीर घाइते भएका थापाको भैरहवा मेडिकल कलेज रुपन्देहीमा उपचारको क्रममा मृत्यु भएको हो ।

ईलाका प्रहरी कार्यालय बर्दघाटले कुटपिटमा संलग्न १५ जनालाई आवश्यक सोधपुछ तथा अनुसन्धानको लागि नियन्त्रणमा लिएर थप अनुसन्धान गरिरहेको छ ।
यता
कपिलवस्तु को महाराजगंज नगरपालिका–३ करहवा बस्ने २८ वर्षीया सिन्धु यादब आफ्नै कोठामा सोमबार मृत अवस्थामा फेला परेकी छन् । घटनाबारे थप अनुसन्धान भैरहेको प्रहरीले जनाएको छ ।