बर्दियामा जंगली हात्तीको आक्रमणबाट महिलाको मृत्यु

बर्दिया ।

जंगली हात्तीको आक्रमणबाट बर्दियामा एक महिलाको मृत्यु भएको छ । राजापुर नगरपालिका–५५ की वर्षीया धुसिया थारुलाई बाख्रा चराउन गएको अवस्थामा आइतबार दिउँसो हात्तीले आक्रमण गरेको हो ।

प्रहरी उपरीक्षक ईश्वर कार्कीका अनुसार थारुलाई नेपाल–भारत सिमानामा पर्ने दीपनगरमा हात्तीले आक्रमण गरेको थियो । कतरनियाघाट वन्यजन्तु आरक्षणबाट हात्ती आएको प्रहरीको भनाइ छ ।

थारु एक्लै बाख्रा चराउने क्रममा बाक्लो हुस्सुले हात्ती आएको थाहा नभएका कारण आक्रमणमा परेको प्रहरीको अनुमान छ । राजापुर–९ स्थित दशगजा नजिकै हात्तीले आक्रमण गरेको प्रहरीले जनाएको छ ।