पाल्पामा मोटरसाइकलको ठक्करबाट एक युवकको मृत्यु

मायादेवी अनलाइन, जितपुर ।

पाल्पामा मोटरसाईकलको ठक्करबाट एक युवकको मृत्यु भएको छ । जिल्लाको तिनाउ गाउँपालिका–३ अर्घाछापस्थित सडकमा लु.४९ प २०७७ नम्बरको मोटरसाइकललाई नम्बर नखुलेको सवारी साधनले आइतबार राति ठक्कर दिँदा मोटरसाइकल चालक रुपन्देही तिलोत्तमा नगरपालिका बस्ने ३८ वर्षीय टिका रानाको मृत्यु भएको जिल्ला प्रहरी कार्यालय पाल्पाले जनाएको छ ।

दुर्घटनामा गम्भीर घाइते भएका उनको प्रादेशिक अस्पताल बुटवलमा उपचारको क्रममा मृत्यु भएको हो । ठक्कर दिने सवारी साधनको प्रहरीले खोजी गरिरहेको बताएको छ ।