मायादेवी अनलाइन, सन्धिखर्क ।
नेकपा (एकीकृत समाजवादी) निकट अनेरास्ववियू अर्घाखाँची संगठन विस्तार अभियानमा लागेको छ । जस अन्तरगत आइतबार एग्रो फरेष्टि बहुप्राबिधिक शिक्षालय छत्रदेव ४ मथुरामा पपुलर भुसालको अध्यक्षतामा ७१ सदस्यिय क्याम्पस कमिटी गठन भएको छ ।
अनेरास्ववियूका केन्द्रीय सचिव नारायण शर्माको सहजिकरणमा भएको क्याम्पस भेलाले भुसालको अध्यक्षतामा क्याम्पस कमिटी गठन गरेको हो ।
क्याम्पस कमिटी गठनमा अनेरास्ववियू अर्घाखाँचीका अध्यक्ष सागर परियार, सह-सचिव विकास पाण्डे लगायतको उपस्थिति रहेको थियो ।
अनेरास्ववियू अर्घाखाँचीले यसभन्दा अगाडी अर्घाखाँची शिक्षा क्याम्पस, जनजागृति उच्च मावि र जनज्योती उच्च माविमा कमिटी गठन गरिसकेको छ ।
प्रतिक्रिया