काठमाडौं । नेकपा (माओवादी केन्द्र) बागमती प्रदेशको अध्यक्षमा सिन्धुपाल्चोकका सरल सहयात्री पौडेल विजयी भएका छन् ।
काभ्रेपलान्चोकका दीननाथ गौतम ९प्रयास०लाई पराजित गर्दै सरल अध्यक्षमा निर्वाचित भएका हुन् । सलले १६२ मत ल्याए भने गौतमले ८६ मतमात्रै पाए ।
यस्तै तीन जना उपाध्यक्षमा रुपा महर्जन, प्रेमबहादुर पुलामी र रामप्रसाद ढुंगाना विजयी भएका छन् भने सचिवमा काभ्रेका इन्द्रबहादुर थिङ छिन्ताङ निर्वाचित भएका छन् ।
तीन जना सहसचिवमा दलबहादुर बुर्लाकोटी, माधवप्रसाद लामिछाने र प्रकाश श्रेष्ठ निर्वाचित भएको निर्वाचन समितिले जनाएको छ ।
कोषाध्यक्षमा संगीता भट्टराई विजयी भएकी छन् ।
सम्मेलन सुरु भएको १० दिनसम्म पनि अध्यक्षसहित पदाधिकारीमा सहमति हुन नसकेपछि सोमबार राति मतदान भएको थियो । माओवादीले प्रदेश कमिटीका सदस्यहरूलाई मतदाता मानेर निर्वाचन गराएको हो ।
प्रतिक्रिया